Ölkədə ilk dəfə Gəncə şəhərində aqrar sığorta ekspertləri üçün təlimlər keçiriləcək

26–30 oktyabr tarixlərində Azərbaycan Dövlət Aqrar Universitetində (ADAU) bitkiçilik və heyvandarlıq sahələri üzrə aqrar sığorta ekspertləri üçün təlimlər təşkil olunacaq.

Təlimlərin əsas məqsədi aqrar sığorta sahəsində ixtisaslı ekspertlərin hazırlanması, onların peşəkar bilik və bacarıqlarının artırılması, eləcə də kənd təsərrüfatı sahəsində sığorta mexanizmlərinin daha effektiv tətbiqinə dəstək verməkdir.

Təlim proqramı çərçivəsində iştirakçıların bitkiçilik və heyvandarlıq sahələri üzrə aqrar sığorta ekspertizası istiqamətində biliklərinin artırılması, risklərin qiymətləndirilməsi və sığorta hadisələrinin araşdırılması ilə bağlı peşəkar yanaşmaların inkişaf etdirilməsi nəzərdə tutulur.

Bu təşəbbüs aqrar sığorta sahəsində ixtisaslı kadr potensialının gücləndirilməsinə, ekspertiza fəaliyyətinin təkmilləşdirilməsinə və kənd təsərrüfatı istehsalçılarının sığorta xidmətlərinə olan etimadının artırılmasına töhfə verməyi hədəfləyir.